Thad kba synraw

 

Nang i por mynchwa ki wa heh dang bun hi im ki tang ha ka rep ka riang kate ka mut tep kba ,rep jhoor,rep  boon jait ki jing thung kiwa man ha jrong lum kamjooh ia ki jhoor wa man ha poh um.

Tang kattea leh rap boon hi da rep ki da u kbba. Neibhah u kba da man u utea u jait jingthung wa ye u ie bor ie mynsien ia ki btu u kteh u khih ki kat i wa em i kaam.

Hei rep kba em ki por wa fa jooh ong ki kamni:-

1. Por chara kba:- i por chara toh ipor wa rah ia u kba cha loom nei bunta wow chara ia o ha lum

  2. Por rep:- ini wan i por toh wa da rahtre ia u kba chara cha pph halo dei wa thung i oa oo.

 3. Por wer:-ini wan toh itea i por pynkhuid i ia ka u kba na ki phlang wa ia knieh bam wa oo ha poj hali

 4. Por ahkba:-kani ka por toh ka wa eh dooh. Hap u ialeh doh iap kat dang em heh i bor ha i samen. I por wa ih u kba i por aah da toh u pyllang ia oo cha iung.

5. Por thad synraw:- i por wa ha chwa u pynpsiah cha poh tyllu,hap pyn ryngkhiang chwa ia oo ,kamtea wa hi u booh slem ia oo ha poh tylli.

U khon lymboit lymbiang

U khroo yutang u wa ye u wanrah biang ia ka jongshit jingshe cha sla pyryhai dei wa pynchah da u radang.

Ka Dorbar Sukra Ka Seinraij Mukhla

Mukhla:: Nanglai ki snem ki bnai dang yophooh ka rukom pynlai pynwan ka seinraij mukhla. Da ia pynbait pynsood du chisur don hi wa ka sukra daw man ko ha ka tarik 4th.04.20 ha madan thad.

Kamtae da i mynsien chit rhem iong ki khon ka seinraij da chim ki kajooh ka rai wow iamih paitbah ryngkat ki riam tynre wa yo chongkun chongkhia ha ka tai ka sngi.

Khlem pep u man ko leh kawa sah jingkynmoo ha ka bri u hynniaw trep. Da chim ka rai leh wa ki aitem u man ki kiwa janai bha da jingsikai iong ki khynroo nadooh ka tarik kawa bood..