No-1
Da lut -lut isniaw o iapha syndei,
womkor ha nga itu iktien ka bei.
u chim o ka rai dooh hapha don hi,
kattu ym artatien de aki.
..................... . ........ .................
lada kawa suk nae saja ia nga hadien,
luti i maya ym mkam u khñium boonsien.
kamwa da e pho i chaniah wa paka ha nga,
nga leh u kit o ka lyngkor wakhia chirta.
.........................................................
katni man i kiwa tymbuiñ kiwa duna,
ym em ka sein ka dang ka poisa tyngka.
jar ka slabhah u blai ia i da dep bynta,
kat i ja wow bam tharai ymdooh ika.
.........................................................
lada biang pathan i maya iong i arngut
katae ka spah bah ianom ka womlut.
i maya wa paka jooh ye ki u pynkylla,
nei dooh tam cha i mahajon kylla-rata.
to be contd.................................
No-2
Toh hi ini i maya ma ai?
Iwa nga dep o u jied kynsai.
Tohi maai iwa khooid suba?
Juh kylli o pynda nga ia nga.
Duhthiah o u pyrkhat yeini,
wa pynchong nongrim aki.
Chwa u kap o cha chylliang,
nadong chadong toh u biang.
Ym ap o na ki ktien para,
wa pynchoi ki jingim iongnga
ka bor chongko ha nga donhi
samen hi u pynchong nia aki.
Kwah o du iwi donhi i maïa,
iwa neh ianom kylla rta.
Lada dooh nae ioh ympher,
tang wa lait u her u per.
No-3
Oi, oi khon,thiah khon lura,
ioh rap dep khih ka bei u pa.
Suki ham bood ham ïamwara
phi chong hitu,nga va chetja.
Pait khon katai ka sngi dajan sep,
i kam dangboon vatoh u pyndep.
Ka umdih leh dang duk litong,
sei lum ïung,lumptchem nadong cha dong
Upa phi chibit da wan bri,
wa ngiah u nei pooh hali.
Phi da rapheh,iarapkam khon va nga,
khamtam i chet itu u pyndep o hacwa.
Manda ih lut waroh i jait, tae da biang,
manda poi upa phi ,da ioh i iabamlang.
Kamtae chirup vadap vakap,
chikhlad samen leh wa lait u arsap.
Pait pa ki da thiah lut ki khon mi,
wa toh kattae la 8 baje.
Iarap khih hroh ki wa nga kattynne,
itae jan tae smat synthiah ki,
hoh uni u pathi mi sachikyntien,
ioh lait u jaw i ktien.
Ade da dap 9 baje,
pi, dam ka u chongkee.
By: Nat Sari